NGRAKIT UKARA

 

Aku amung kenya padatan

Dudu  Wara Sumbadra

Kang bisa anduweni garwa

Para Pandhawa kang kaloka

            Ing jagading pewayangan

            Anggayuh sadayaning sih tresna

            Aku amung kenya biyasa

            Tan bisa kadya Sumbadra

Bisaku amung ngrakit ukara

Ukara kang ora sepiraa

Sauger bisa nguntabake sakehing rasa

Dadya tembanging nala

            Rikala wengi, sepi sansaya ndadi, lan mripat tan nendra

            Sun coba ngrakit ukara mawa bawa lan rasa

            Bisaa ngrajut talining rasa

            Kabanjur tempuk netraku klawan netra sira