MARUTA

 

Mutering rodha koripan

Mega klawu ing bang wetan

Wus kasaput dening maruta

Sekar-sekar katon mekar

            Mangsa labuh ing pategalan

            Nganti wayah surup makarya

            Wengi kang wus sonya

            Kapange mesthi kumat

Kenapa...?

Marga aku ing kutha

Kajiret dening sutra

Lan dadi angka

            Durung mari kapang

            Ing wengi, iline kali dak pecak

            Golek-golek citra pasuryan

            Sanajan ta iku dosa

Lan yen mega

Wus tumeka ing esuk ing dina kang anyar

Bakala bali, nlusur ing andhaning dhandhanggula

Ngaras maneh tegal