GEBYAR JAWA UNNES 2014

GEBYAR JAWA UNNES 2014

Gebyar Jawa kuwi yaiku adicara kang wus dadi adicara wajib saben taun. Adicara Gebyar jawa kalampahan saben taun ing wulan Desember saperlu mengeti ulang taun Jurusan Basal an Sastra Jawa ing UNNES iki. Adicara Gebyar Jawa iki disengkuyung awit saka Mahasiswa Jurusan Basa lan Sastra Jawa UNNES, Dosen Jurusan Basa lan Sastra Jawa, para karyawan, lan mahasiswa kang tumut nyengkuyung adicara kuwi.

Gebyar Jawa diwiwiti tabuh 8, dibuka dening MC yaiku kadanng Nur Kholis kaliyan Dyah mahasiswa Prodi Pendidikan Basa lan Sastra Jawa angkatan warsa 2013, sambutan saka ketua Jurusan Basa lan Sastra Jawa Bapa Yusro Edi.

(Gambar 1, pembukaan Gebyar Jawa 2014)

Sakbubare pembukaan diterusake karo arak – arakan, ing arak – arakan kuwi mau ana barang kang dikanggokake yaiku, gunungan wiwit saka who – wohan, janganan, lan liya – liyane, banjur hiasan – hiasan maneka warna lan anggota kang melu ngiring, kaping pisan yaiku Arjuna, banjr pengawal, prajurit, grup barongan lan seperangkat gamelan kang wis disiapake, maskot saka saben – saben rombel.

(Gambar 2, arak – arakan Gebyar Jawa 2014)

        Sakbubare arak – arakan, kabeh peserta kirab kwi mau banjur kumpul ana ing Panggung Terbuka Fakultas Bahasa dan Seni UNNES, ing kana wis ana sepeerangkat panggung, gamelan komplit kang disiapake, ing kana wis siap uga MC, para Dosen, Tamu undangan, lan ora lali yaiku pengrawit lan seperangkate. Adicara kang wis gadhang – gadhang saka taun – taun kepungkur yaiku “DUTA SINJANG”. Para sesepuh wis siaga ana ing palenggahan, arak – arakan cilik saka gedung B8 Jurusan Basa lan Sastra Jawa kanthi tekan Panggung Terbuka. Sakwise tekan Panggung Terbuka para finalis “DUTA SINJANG” nampilake kebisanane, wiwit saka cara mlaku ana ing panggung, bersoleke nganggo busana saka kain batik.

(Gambar 3, peserta Duta Sinjang Gebyar Jawa 2014)

Ing adicara Gebyar Jawa 2014 iki diramekake ana grup barongan saka Blora, ing kana ana barongan, ana jathilan, ana bujangganong, kesenian khas saka Blora iki wis kaping pindo ngramekake acara Gebyayr Jawa ing UNNES kene.

(Gambar 4, barongan Blora Gebyar Jawa 2014)

       

        Ing Gebyar Jawa uga nyiapake jajanan tradisional kanggo suguhan para tamu lan para peserta ingkang tumut ana adicara Gebyar Jawa ing wektu kuwi. Jajanan tradisional kuwi kayata gethuk, klepon, gedhang godhok, puthu, es dhawet, es kado. Jajanan tradisional kuwi sing bedakake saka acara – acara liyane, yen ana ing adicara liyane, jajanane kuwi jajanan larang – larang jajanan kag modern, nanging ing adicara Gebyar Jawa iki nggunakake jajanan tradisional.

(Gambar 5, Jajanan Tradisional Gebyar Jawa 2014)

Ora mung rame – ramenan wae, nanging ing adicara kuwi uga  saka saben – saben rombel uga nyiapake tumpengan sega kuning, sega kuning kuwi disiapake wiwit saka esuk, sakdurunge adicara diwiwiti, banjur dikumpulake ana meja sakubenge panggung terbuka, sakbubare adicara kalampahan, sega tumpeng mau dijupuk saka saben – saben rombel, banjur dipangan bareng – bareng sakrombel kuwi mau, diwiwiti komting

.

(Gambar 6, Kembul Bujana Gebyar Jawa 2014)

Adicara dipungkasi kaliyan bintang tamu keroncongan, para peserta pada joged bareng – bareng, nyanyi ana papat lagu keroncongan.