Sinau Barongan

Barongan kuwi yaiku kesenian jawa sing wis dikenal tekan endi – endi, salah sijine ing tlatah Blora. Kesenian barongan ing kutha Blora wis lumrah lan wis gedhe banget akeh sing ngerti akeh sing seneng, utamane yaiku kanggo bocah cilik – cilik. Barongan wis dadi kesenian khas Blora, sing diuri – uri kanthi saiki.

Wis akeh grup barongan ing kutha Blora wiwit saka grup barongan kang wis terkenal, kanthi grup barongan cilik. Grup kang dibentuk amarga saking tresnane masyarakat Blora marang kesenian barongan.

Salah sijine yaiku grup barongan sing dipandhegani dening ‘Mbah Nyana’, tiyang kakung warga Desa Patalan kang mbentuk grup barongan wiwit saka taun 2002. Grup barongan kuwi digawe kaping pisan kuwi amarga ana acara pitulasan ing Desa Patalan, ing acar pitulasan kuwi saben sekolah ing Desa kuwi padha melu arak – arakan utawa karnaval lan ing arak – arakan utawa karnaval kuwi salah siji Sekolah Dasar ing Desa kuwi yaiku SD Patalan 2 (saiki dadi SD Patalan 1) nyiapake pentas seni yaiku arep nampilake Barongan.

Mbah Nyana sesepuh ing Desa Patalan kuwi mau, simbah saka salah sijine murid ing sekolahan kuwi mandhegani nggawe grup barongan, sing diketuani dning Mbah Nyana dewe, anggotane saka bocah – bocah SD wiwit saka kelas 1 kanthi kelas 4 SD.

Alat lan peralatan sing di butuhake kanggo pentas kesenian barongan yaiku arupa barongan nem, bujangganong 4, jaranan utawa jathilan 6, warok 1, gendruwon 1, pedang – pedangan kanggo gendruwon siji, pecut 1 kanggo warok, tongkat 6 kanggo pasukan jaranan utawa jathilan. Barongan diisi karo wong nganggo seragam celana dawa, bujanganong ngliga lan celana seragam dawa, warok nganggo klambi ireng ngawa pecut, gendruwon nganggo topeng sing medeni, nggawa pedang saka kayu, lan prajurit jaranan utawa jathilan nggawa jaranansaka anyaman, lan nggawa tongkat. Gamelan sing dibutuhake paling utama yaiku kendhang, gedhog 1, saron 2, bonang, gong, angklung lan serompet. Anggota ing grup barongan kuwi ana telung puluh anggota.

Grup kesenian barongan sing diketuani Mbah Nyana iku pentas kanggo macem – macem acara, bisa acara ing Desa kanggo ngisi acara ing Desa, bisa uga ing acara supitan,utawa nikahan, grup kesenian barongan kuwi yen ditanggap perlu prabeya 3 yuta kanthi 4 yuta, 4 yuta kuwi kanggo anggota (50 ewu x 30 =  1.500.000), kanggo nyewa seragam (20ewu x 20 = 400.000) sisane digunakake kanggo kas kelompok, dadine saben rampung pentas kuwi ana dhuwit klebu ing kas anggota, kas anggota kuwi digunakake kanggo tuku gamelan, kanggo tuku peralatan nkanggo pentas kayata sesajen, lan liya – liyane.

Grup barongan iki wis gawe kesepakatan yen arep ana sing nanggap kuwi seminggu sakdurunge pentas, njagani supaya ora mepet lan uga anggotane bisa latian dhisik, keangotaan ing grup barongan iki wis ganti kaping akeh amarga anggotane sing sakdurunge wis padha gedhe – gedhe, lan saiki wis ana sing sekolah ing adoh, uga ana sing kerja ing kutha, kuwi sing gawe anggota grup barongan ganti – ganti.

Kesenian Barongan iki wis dadi kabudayan ing kutha Blora awit jaman biyen, kabudayan kag kudu diuri – uri kanthi saiki, ora sithik wong sing seneng karo kabudayan, nanging ora sithik uga wong sing lali marang kabudayan kuwi, nanging mengko yen kabudayan kuwi wis luput saka awake dhewe, lagi wae padha peduli.